Peja këtë vit priti Asamblenë e 63-të të Përgjithshme të UIAA, ku morën pjesë qindra delegatë që përfaqësonin mbi 70 organizata anëtare nga më shumë se 40 vende të botës. Gjatë programit 3-ditor, u zhvilluan mbi 15 sesione zyrtare, përfshirë:
-
3 sesione plenare dedikuar standardeve të sigurisë, inovacioneve teknike dhe politikave globale të UIAA;
-
6 punëtori tematike, duke trajtuar tema si mbrojtja e zonave malore, qëndrueshmëria dhe edukimi i brezave të rinj;
-
5 takime të komisioneve të specializuara (ngjitje sportive, alpinizëm tradicional, skyrunning, mjedis dhe rinia);
-
Prezantime të 20 projekteve nga organizata dhe federata të ndryshme anëtare.
Pjesëmarrësit vizituan gjithashtu Luginën e Rugovës, ku u prezantuan me mbi 10 pika kyçe të infrastrukturës së alpinizmit dhe ecjes malore në rajon. Eventi e vendosi Pejën dhe Kosovën në qendër të vëmendjes së komunitetit ndërkombëtar, duke treguar kapacitetet për të pritur ngjarje të nivelit të lartë dhe për të kontribuar në zhvillimin global të sporteve malore.
