Bjeshkatarët në Komitetin Olimpik të Kosovës

Besim Hasani është rizgjedhur kryetar i Komitetin Olimpik të Kosovës edhe për 4 vjet, duke mundur rivalin e vetëm, Naim Muja. Ndërkaq nënkryetar të ri u zgjodhën Shasivar Haxhijaj, Fatmir Makolli, Artan Rugova e Arben Lila, të cilët kishin tetë kundër kandidatë.

Besim Hasani, i cili në krye të Komitetit Olimpik të Kosovës ishte zgjedhur në vitin 1996, siguroi edhe një mandat të ri, që do ta mban atë për 20 vjet në krye të këtij institucioni të rëndësishëm të sportit . Ai këtë radhë mori votat e 45 delegatëve ndërkaq, kandidati tjetër Naim Muja mori 37 vota, por që nuk i mjaftuan për të fituar karrigen e kryetarit të KOK-ut. Hasani me të marr këtë post premtoi se nën drejtimin e tij, KOK-u do të pranohet në Komitetin Olimpik Ndërkombëtar dhe se sporti i Kosovës do të ndërkombëtarizohet shumë shpejt. “Më vjen mirë që delegatët ma besuan mua postin e kryetarit të KOK-ut. Do të mundohem t’i finalizoj përpjekjet 20 vjeçare për ndërkombëtarizimin e sportit kosovar. E them me plot bindje se po i afrohemi momentit të cilin e kemi ëndërruar. Me përkushtimin e të gjithëve, do t’i arrijmë aspiratat tona. Mendoj se delegatët e vlerësuan punën time të mëparshme”, deklaroi Hasani, pasi mori besimin e delegatëve. Ndërkaq garë e rreptë u zhvillua edhe për pozitën e katër nënkryetarëve të KOK-ut u zgjodhën Shasivar Haxhijaj, Fatmir Makolli, Artan Rugova e Arben Lila, të cilët kishin tetë kundër kandidatë.