Strukturat e reja udhëheqëse të UIAA-së
Më 13 tetor 2012 u mbajt kuvendi i përgjithshëm i Unionit Botëror të Bjeshkatarëve (UIAA) në kryeqytetin e Holandës në Amsterdam. Më shumë se 100 pjesëmarrës prej 49 federatave anëtare të UIAA-së morën pjesë. Në këtë kuvend u morën disa vendime të rëndësishme. Kryetari i ri i UIAA-së u zgjodh holandezi Frits Vrijland për një mandat 4 vjeçar pasi që u pozicionua si një kandidat për ndryshim. Ai tha se ka ardhur koha e konsolidimit dhe lënies pas e turbulencave në 8 vitet e fundit të UIAA-së me 5 kryetar të ndryshëm.
Frits Vrijlandt në majen Broad në Pakistan (Foto: nga Frits Vrijlandt)
Vrijlandt tha se do të punoj që të siguroj një të ardhme të UIAA-së e cila do të shënohet me stabilitet dhe rritje me një fokus special në interesat e federatave të vogla të familjes së madhe të UIAA. Ai poashtu tha se do të udhëhiqet nga plani strategjik i UIAA (2014-2016) i miratuar në kuvendin e përgjithshëm.
Në kuvend u zgjodhën edhe bordi i ri ekzekutiv dhe komitetit menaxherial.
Frits Vrijlandt, Peter Farkas,Giorgio Oliveti dhe Thomas Kaehr (majtas në të djathë) të bordit ekzekutiv dhe Gurdeepak Ahuja, menaxheri i zyrës së UIAA-së në takimin e Amsterdamit pas Kuvendit të Përgjithshëm (Foto: UIAA)
Unanimisht u votua edhe u aprovua plani strategjik historik apo rrugëtimi i UIAA mes viteve 2013-2016.
Ang Tshering Sherpa u zgjodh Anëtar Nderi i UIAA. Ai ka qenë president i kaluar i Federatës Bjeshkatare të Nepalit dhe ka qenë një avokat i fuqishëm për mbrojtjen e natyrës, zhvillimit të qëndrueshëm dhe nevojës për balancim të bjeshkatarisë komerciale dhe jo komerciale.
Ang Tshering Sherpa i Nepalit disa momente pasi u zgjodh Anëtar Nderi i UIAA (Foto: UIAA)
Vendi ynë Kosova për herë të parë në historinë e saj 84 vjeçare -së si anëtarja me e re e UIAA-së pat të drejtën të votoj. Kosova u përfaqësua nga kryetari i federatës bjeshkatare alpiniste Arben Lila dhe anëtarja e kryesisë Teuta Bicaj dhe në shoqëri të anëtarit të nderit të federatës kosovare italianit Silvio Calvi.
Kryetari i FBAK Arben Lila, anëtarja e kryesisë Teuta Bicaj dhe anëtari i nderit të FBAK Silvio Calvi
FBAK për herë të parë në historinë e saj 84 vjeçare voton në kuvendin e përgjithshëm të UIAA-së (Foto: Teuta Bicaj)