Bjeshkatarët ndihmojnë banorët e bllokuar

Shkroi: Virtyt Gacaferri

20 shkurt 2012

Shoqata të ndryshme alpiniste anëtare të federatës së Bjeshkatërëve Alpinistë të Kosovës (FBAK), në aksione të ndryshme kanë ndihmuar familje të ngujuara në pjesë të ndryshme të Kosovës, gjatë ditëve të kaluara.

Në mesin e tyre shoqata nga Juniku Rrasa e Zogut ka zbllokuar nga shtëpia e mbuluar me borë dy familje ne fshagtin Gjoca-Junik, në mesin e përsonave të nxjerrë nga fshati ishte edhe një femijë 4 muajsh(shih foton). Në raste të tjera shoqatat Gjeravica dhe Marimanagat nga Peja kanë asistuar familje nga Rugova ndërsa klubi Alpiniast nga Prishtina ka ndihmuar familje të ndryshme në Komunën e Prishtinës.

Federata Bjeshkatare Alpiniste e Kosovës (FBAK) i ka inkurajuar tutje shoqatat anëtare që të krijojnë ekipe të gatshme për intervenime emergjence në rast nevoje dhe kërkese nga autoritetet komunale në komunat respektive.

Këto ekipe kanë ritheksuar gadishmërinë që të japin ekspertizën, pajisjet dhe kohën e tyre nëse ka nevojë për ndonjë intervenim të cilin bjeshkatarët mund ta kryejnë plotësisht apo pjesërisht.

Shoqatat e bjeshkatarëve janë njësi të organizuara të sportdshësve dhe janë të pajisura me veshmbathje adekuate për këtë klimë si dhe pajisje të tjera të dimrit  këpucët e borës në formë reketi, liratë të ndryshëm si dhe breza të cilat i mundësojnë ekipeve të ecin në rradhë duke siguruar njëri tjetrin.

“Gjithsesi se jemi gati të ndihmojmë. Gjithsesi se antarë tonë tashmë janë të angazhuar në vende të ndryshme. Ne tash e bëjmë këtë në mënyrë që udhëheqësve të emergjencave tu japim më shumë opsione në raste të ndryshme”, ka thënë Arben Lila, kryetar i federatës së Bjeshkatarëve të Kosovës.

Shoqatat bjeshkatrare edhe në të kaluarën kanë dhënë kontributin e tyre në raste emergjence gjatë dimrit si dhe në raste kur dikush është humbur në pyll apo ka mbetur i ngujuar në ndonjë shkëmb.

Federata e Bjeshlkatarëve Alpinist të Kosovës është e pranuar në federatën ndërkombtare të bjeshkatarisë UAIA e cila është pjesë e komitetit olimpik, edhepse ky është sport jo garues dhe nuk merr pjesë në Olimpiadë. FBAK është pranuar ndërkombtarisht në vitin 2011 dhe ju ka bashkuar tri federatave të tjera të pran uara sportive.

Linku per fotografi te tjera: http://www.facebook.com/media/set/?set=a.3226715427771.191025.1263116015&type=1